Archive for the ‘kavithai’ Category


A Slogan From Rajni

தலைவா 
எங்கள் இறைவா 
என்றென்றும் இறவா
வரம் பெற்ற 
மனிதா

அன்பாலும் பண்பாலும் 
ஆர்ப்பரித்தாய் 
அமைதியாலும் அடக்கத்தாலும் 
ஆளுமை செய்தாய் 

கட்சியும் தேவையில்லை 
ஆட்சியும் அவசியமில்லை 
சின்னமும் இல்லை - அதன் 
எண்ணமும் இல்லை 

பொதுக்கூட்டம் போடாமல் 
போஸ்டர்கள் அடிக்காமல் 
எங்களை ஜெயித்தாய் 
எங்களில் கலந்தாய்

ரஜினி
உனக்கு இன்னொரு 
பெயர் இருக்கு
அதுதான் இந்தியா

உன்னுள் 
தமிழ் கன்னடம் தெலுங்கு 
மலையாளம் ஹிந்தி மராட்டி 
சங்கமம் 

அறுபதுகளில் 
நிலாவை காட்டி சோறுட்டினால்
எண்பது முதல் இன்று வரை 
உன்னைத்தான் 

ஒவ்வொரு 
தாயும் தந்தைக்குபின் உன்னைத்தான் 
அறிமுகம் செய்கிறாள் உற்சாகமாக
உணர்வுபூர்வமாக 

ஒவ்வொரு குடும்பத்திலும் 
அனைவரும் உரிமைகொண்டாடும் 
சொந்தம் பாராட்டும் 
ஒரே ஜீவன் நீதான் 

உன்பொருட்டு வரும்பொழுது 
பொறாமை தலைதூக்கவில்லை 
தன்னுடைமை தோன்றவில்லை 
தகராறும் வந்ததில்லை

உன் ஒருவனில் பார்கிறேன் 
ஒத்துழையாமை இயக்கமும் 
உப்பு சத்யாகிரகமும் 
நீ ஒரு தேசியம் 

ஆறு முதல் 
எண்பத்து ஆறு வரை 
உன்னை சொந்தம் கொண்டாடுகிறது 
நீ ஒரு அதிசிய பிறவி 

என்போல் கோடிக்கனக்கனோர்
வாழ்வின் இலட்சியமாக 
உன்னோடு புகைப்படம் 
எடுத்துகொள்ள தவமிருக்கிறோம் 

நீ சொல்வீரன் அல்ல
செயல் வீரன் 
உன் வார்த்தை பேசவில்லை 
வாழ்கை பேசியது 

வசனம் மட்டும் பேசாமல் 
வாழ்ந்து காட்டினாய்
காவி உடை அணியாமல் 
கடவுளை காட்டினாய் 

சிகரம் தொட்டபின் 
இமயம் சென்றாய் 
இலக்கணம் வகுத்து 
இதயம் வென்றாய்  

நான்கு வயதில் நான்
உன் வசனம் பேசி
சைகை காட்டி
நான் மகிழ்ந்தேன் 

நான்கு வயதில் என்மகன் 
உன் வசனம் பேசி 
சைகை காட்டி 
எங்களை பரவசமூட்டுகிறான் 

தலைமுறைகள்  பல தாண்டி
தலைநகரமும் போற்றும்
தன்னிகரற்ற 
தலைவன் நீ 

உன்னை ஒருமையில் 
அழைப்பதும் அன்பினால் தான் 
ஆம் கடவுளை 
போல் 

உலகமே 
உன்நலம் வேண்டி 
கூட்டு பிரார்த்தனை  செய்வதால் 
நீயும் உலகநாயகன் தான் 

Posted: July 16, 2011 in kavithai

காதல் 

திருமணத்திற்கு முன் வந்தால் 
பதிவு திருமணம்
திருமணத்திற்கு பின் வந்தால் 
தனிக்  குடித்தனம்